ANPA IES ILLA DE SARÓN

Dano Cerebral Galicia, a Federación de asociacións desta discapacidade na nosa comunidade autónoma ten como obxectivo principal a mellora da calidade de vida do colectivo de persoas e familias con dano cerebral adquirido. Un dos xeitos de axudar a esa mellora é o establecemento e mecanismos e recursos de apoio para as persoas que compoñen a nosa base social. Contamos cunha colaboración co Colexio Maior San Agustín, de Santiago de Compostela, a través da que ofrecemos unha bolsa para a estadía no seu centro durante o curso 2025/2026. Está dirixida a alumnado con dano cerebral adquirido ou cun familiar de até segundo grao con esta discapacidade, que acceda ao primeiro curso dun grao na USC. Os detalles a nivel de requisitos, procedemento, bases, prazos etc. están na nosa web: https://danocerebralgalicia.org/gl/que-facemos/cohesion-asociativa-e-fortalecemento-institucional/bolsa-cmu-san-agustin

Formación Dixital é un programa formativo para obter a capacitación en competencias dixitais intermedias que a Xunta de Galicia ofrece a cidadanía. Este programa comezou en outubro de 2024 e estará operativo ata o ano 2026, poden participar tódalas persoas maiores de 14 anos. É completamente de balde, 100% online e 100% titorizado. Ten unha duración máxima de 10 semanas (250 horas) aínda que cada persoa pode realizalo curso o seu propio ritmo, o curso pódese iniciar en calquera momento do ano (hai varias datas abertas) e rematase 10 semanas despois do seu inicio. Consiste nunha formación moi práctica, con vídeos, contidos interactivos, acompañamento de sesións grupais e un titor que leva o control de toda a formación. A estudante disporá dunha guía práctica para cursar o temario. O contido está dispoñible en galego e castelán. Rematada a formación recibirase un diploma acreditativo da formación completada, expedido pola Axencia para a Modernización Tecnolóxica de Galicia (Amtega...